Her vil du finna alt av interesse i samband med LS2012 den 9. - 17.august.
Arbeidet med skyttarcampen på Bømoen er i full gang og bestillingsfrist for skyttercamp gjekk ut den 10. april 2012. Oversikt over andre overnattingsalternativ finn du på den offisielle nettstaden for reisemålet Voss, visitvoss.no, og du kan halde deg oppdatert på ledig kapasitet gjennom vår kapasitetsoversikt.
Me har ei fager bygd, med vakker og vekslande natur. Her finn du det breie og opne – det tronge og djupe. Buplassane er mange. Den største er Vossevangen, men fleire tettstader veks. Vidstrakte dalføre gjev levebrød og heim for mange. Snøggtoget treng nær timen innan våre kommunegrenser. Bilen er alternativet, han treng lenger tid.
Me har mange og gode tradisjonar å bera vidare. Lukkast me i det, trør me vidare i våre forfedrar sine fotspor.
I dag er også buplassen og arbeidet framtidsvon for mange i Vossebygda. Dei som har heim og arbeid her lever godt.
For Dykk som kjem for å delta på Landsskytterstemnet 2012 vonar vi at dei fastbuande og Voss Skyttarlag gjer det triveleg for Dykk.