I tunet på Mølster kjenner ein seg flytt langt attende i tida. Husveggene er gråbrune av vind og vér gjennom mange mannsaldrar, og taka er tekte med torv eller gamle helletypar. Endåtil lukta frå veggene i årestova heng i framleis.
Husa står der dei ein gong vart sette, ingen ting er flytta til eller frå. Tunet gjev difor eit ekte bilete av bustad og arbeidsmiljø slik det har vakse fram gjennom dei siste hundreåra. Det eldste huset på garden er ei årestove, truleg frå omkring 1500, dei nyaste husa er frå 1880-åra.
Museet ligg fint til med utsikt over Vossevangen. Her er rike samlingar av bruksting og reiskapar. Museet har faste og skiftande utstillingar i samlings- og utstillingsbygget.