Klatrepark
©Voss Active

8 aktivitetar du bør oppleve på Voss

Om du lurar på kvar du skal legge sommarferien i 2020: Voss er bygda som har noko for alle. Enten du føretrekk luft eller vatn, skyhøgt adrenalin eller kvilepuls er det ingen grunn til å kjede seg om ferieturen vert lagt hit.

Me har gjort det enkelt å få gode tips til sommarferien, og har difor samla saman åtte av dei beste aktivitetane du kan oppleve på og i nærleiken av Voss. Etter eit besøk her vil du forstå kvifor ekstremsportbygda er ein sentral del av "Noreg i eit nøtteskal". 

1. Gondol og vandring

Visste du at Voss Gondol er den største i Nord-Europa? Bana startar på Voss Stasjon (56 moh.) og endar opp på Hangurstoppen (820 moh). På vegen har du ein spektakulær utsikt over Voss, fjord og fjell. Når du kjem til topps kan du enten gå deg ein fjelltur eller ete kortreist mat på Voss sin største restaurant, Hangurstoppen Restaurant.

Voss Gondol - hanguren panorama

Hanguren Panorama. Foto: Voss Gondol / Hunnalvatn Media
 

2. Zipline- og klatrepark

Slepp laus din indre Tarzan! På Vossastrand kan du suse frå tre til tre og over Strandaelva i ziplineparken. Løypa består av fem zipliner, den lengste på 150 meter. Om du føretrekk klatring er det to klatreparkar av ulik størrelse å velje mellom også. Sjå meir meir her.

3. Paragliding og fallskjermhopp med Skydive Voss

Sjå Voss frå lufta! Voss hang- og paragliderklubb tilbyr tandemturar med paragliding heile året. Turen går frå Hanguren til Vangen. Vil du ha endå meir fart og spenning? Opplev fritt fall på 200 km/t i 45 sekund med eit tandem fallskjermhopp.

4. Fly uansett vær hjå Voss Vind

Om du vil ha kjensla av ekstremsport i rolegare omgjevnader: Besøk Voss sin vindtunnel. Som den første vindtunellen av sitt slag i Noreg kan alle frå 5 til 94 år oppleve kjensla av å vere vektlaus.

5. Guida fjelltur til Kiellandsbu

Bli med på guida fjelltur i vakre omgjevnader. Turen til denne spektakulære utsikta er enkel og fint egna for heile familien. Framme ved hytta på kanten av stupet - sjølvaste Kiellandsbu - kan du nyte synet heilt til Folgefonna på andre sida av Hardangerfjorden. Wild Voss sørger for varm lunsj av lokalproduserte matrettar på primus. 

Kiellandsbu

Utsikt over Hardangerfjorden frå Kiellandsbu. Foto: Wild Voss 
 

6. Rafting/familierafting

Rafting er den mest populære sommaraktiviteten på Voss, og du får garantert ei fantastisk oppleving i internasjonale klasse om du vel å padle i ei av elevene våre! Voss Active tilbyr både rafting og familierafting. Turane er på 7-8 kilometer og passar både for nybegynnarar og erfarne.

7. Sykling og topptur i Myrkdalen

Om du trudde Myrkdalen berre var ein vinterplass må du tru om igjen. Her er det minst like mykje å gjere i sommarhalvåret. I tillegg til flust av turmulegheiter, som vert ekstra lett tilgjengelig når du kan ta stolheisen til toppen, er det eit veleigna område for terrengsykling - med andre ord perfekt for familiar som ønskjer ein aktiv ferie! Her er det utleige av både elektriske og vanlege terrengsykling, og ikkje minst kan du boltre deg i den nye pumptracken som er på heile 850 kvadratmeter. 

Pumptrack i Myrkdalen

Pumptracken i Myrkdalen. Foto: Myrkdalen / Hunnalvatn Media

8. Padling i Sognefjorden

Opplev Vestlandet på sitt beste med ein kajakktur i Sognefjorden. I tillegg til å vere den største i Noreg, er denne fjorden den nest lengste i verda. På turen padlar du forbi sjarmerande bygder og den vakre fossen Bredfoss. Hugs badetøy og eventyrlyst!

Oversikt over alle sommaraktivitetar på Voss samt meir informasjon finn du her. 

LES OGSÅ: Difor bør du legge norgesferien hit.

<% totalFilter %> filter applicerade