Foto:
Voss Fallskjermklubb
tandem fallskjermhopp
Foto:
Outdoor Norway
rafting på voss, med voss active
Foto:
Voss Active

Derfor er Voss perfekt for venner og par

Å kjenne på utfordringar og meistring saman bygger sterkare bånd, enten det er med ein venn eller ein kjærast. På Voss har me noko for alle, enten du føretrekk luft eller vatn, skyhøg adrenalin eller roleg kvilepuls. Ta med deg nokon du er glad i til Voss og bli endå betre kjent gjennom natur og aktivitet.

Venner som skåler på restaurant i myrkdalen

1. Gondol - Voss Gondol

Etter ein tur med Voss Gondol ventar både vandring, bading, hangurshusko og Hangurstoppen restaurant. Turen opp tar under 10 min, den startar på Voss Stasjon 56 moh og endar på Hangurstoppen 820 moh. Har du lite tid kan du gå ein runde i panoramaløypa (ca. 1 km). Her finn du både fotorammer og hangurshusko, som også er Instaspot nr. 1 på Voss. Har du meir tid vil me anbefale ein fjelltur, Hangurstoppen er eit perfekt startpunkt for mange fine turar. Du kan også ta med deg sykkel og sykle ned att via Bavallen. 

Besøk også Hangurstoppen restaurant når du er her oppe. Her ventar mange gode kulinariske opplevingar og på menyen finn du mykje lokal og kortreist mat. I tillegg til at dette er Voss sin største restaurant har du også (kanskje) verdas beste utsikt!

mann på hangurshuska, flott utsikt over voss i bakgrunnen
Foto: Voss Resort/Voss Gondol

2. Fly i vindtunnel - Voss Vind

Har du alltid drøymt om å fly? Hjå Voss Vind får du kjenne på følelsen av å vera vektlaus. Denne aktiviteten passar for alle og ein treng ingen erfaring. Du får gode instruksjonar før og under flyginga. Her får ein utfordring og meistring i heilt trygge omgjevnader. Å dele ei slik oppleving saman er heilt spesielt og ein får definitivt noko å prate om under neste middag. Det er heilt trygt å fly, berre ekstremt morro! 

Klar for fjelltur? Les også: 5 fine fjellturar på Voss

3. Guida elvetur på SUP-brett - Outdoor Norway

SUP-brett er ei spennande og morsom aktivitet. Med Outdoor Norway får du sjå både Voss og elva Vosso frå eit heilt nytt perspektiv. Ein starter med litt trening på Vangsvatnet før ein køyrer til elva. Alle turane er i små grupper slik at guiden kan tilpasse turen etter erfaring og nivå. Vil ein utforske Vangsvatnet aleine kan ein også leige SUP-brett. 

mann som smiler og ler, på veg til å falle av eit sup-brett
Foto: Outdoor Norway

4. Sykkelkurs for vaksne - Myrkdalen

Vi søker alltid etter ferieminner som varer, så kvifor ikkje få ein ny hobby saman denne sommaren? Gjenopplev ferien gong på gong! Kvar fredag i sommar arrangerer Myrkdalen nybegynnerkurs i terrensykling. Kurset er for vaksne som har lite eller ingen erfaring med stisykling. Du treng heller ikkje ha med deg sykkelen på ferie, Myrkdalen Sport og Utleige har eit stort utval av terrengsyklar. 

Kva med ein attraksjon mellom aktivitetane? Her finn du bl.a. kultur, natur og gatekunst. 

5. Padlemorro - Vått og Villt

Ei kjekk økt på elva med kajakk passar perfekt for vennegjengen. Her treng ein ingen forkunnskaper og målet er ikkje eit kursbevis. Herr får ein 4 timar på elva med gode og erfarne instruktørar som kjem med tips og tilpassar turen etter gruppa sitt nivå. Denne aktiviteten passar også like godt i strålande sol som i regn, perfekt for Vestland. 

Ei rekke med menn i kvar sin elvekajakk, klar for å padle
Foto: Vått og villt

6. Tandem fallskjermhopp - Voss Fallskjermklubb

Årets mest etterspurte aktivitet! Mange ser etter dei store opplevingane denne Norgesferien, eit minne for livet. Dette finn ein hjå Norges største fallskjermklubb – Voss Fallskjermklubb. Her får du sjå vestlandsnatur frå skikkeleg fugleperspektiv og du får ei smakebit på Ekstremsportveko og vossakulturen. Stemninga på hoppfeltet er også heilt spesiell og i kaféen får ein mykje god og lokal mat. Ta gjerne lunsjen her… etter hoppet! 

NB. Mange datoar er alt fulle så her bør ein ikkje sitte på gjerdet. 

7. Sykkeltur - Bike the fjords

Å sykle på vestlandet er ei magisk og unik oppleving. Her kan du sykle langs vatn og fjord, i skog og på fjell. Du kan sykle til spektakulære fossar, unike utsiktspunkt eller ein fredelege lunsj-spot der ein får vera heil i fred. Bike The Fjords kan ta deg med på guida tur på Voss eller på lengre turar til fjorden. Ein kan også leige syklar og i utvalget har dei både hybrid- og elsykkel, landevegssykkel og MTB. 

Ein kort og fin tur å anbefale er rundt Vangsvatnet (23 km). Her får du fantastisk utsikt mot Voss og syklar forbi Instaspot nr. 3 – Bordalsgjelet. Syklar du fyrst til Bordalsgjelet også vidare rundt vatnet er det også veldig fint å stoppe på Kvåle før ein kjem attende til Voss. Her er det både benkar og ei lite strand om det freistar å bade.  

Ein litt brattare, men veldig fin tur er Herresåsen rundt, som Jørund Rong anbefalte oss. Ta gjerne denne turen på kvelden og besøk Instaspot nr. 6 – Solnedgang frå Sonvesåsen. For å få den beste solnedgangen syklar du mot Sonvesåsen, det er skilta hit når du kjem til Voss Ski- og Tursenter. Få også med deg Bordalsgjelet på denne turen. 

Jente med sommerkjole i solnedgangen. Hangurstoppen i bakgrunnen.

8. Klatreoppleving på staup - Wild Voss

Det spesielle med Voss er at uansett kva aktivitet du gjer så har du naturskjønne omgivelser rundt deg. Like utanfor Voss sentrum ligg ei idyllisk klatreklippe som Wild Voss har vore med å reinska og etablert ei bolta klatrerute i. Klatring gir både ei fysisk og mental utfordring og er derfor perfekt for å tømme hovudet for alt anna og berre vera til stades med si eiga klatring. Wild Voss har sertifiserte instruktørar og du får du prøve deg på klatring og rappell tilpassa ditt nivå i inntil 5 timar. Her er alt lagt til rette for ein fantastisk og uforgløymelig dag. 

 

På jakt etter god mat?

På desse restaurantane serverar dei min 25% lokalmat. Mat frå Voss, på Voss!

<% totalFilter %> filter applicerade

 

Andre kjekke aktivitetar:

 

<% totalFilter %> filter applicerade