CBIS 6639807
CBIS 6639606
CBIS 6639808
CBIS 6639822
CBIS 6639823
CBIS 6639829
Vis hele bildet
Vossestrand

Trugetur til igloen i Myrkdalen - Wild Voss

Myrkdalen er viden kjent for å ha mykje snø om vinteren. Finst det nokon betre plass for bygging med snø? Vi har bygd ein stor iglo på toppen av skitrekket i Myrkdalen Fjellandsby, og denne vinteren tilbyr vi guida trugeturer dit. Vår solide snøbolig har god plass til familiar eller små grupper som ynskjer ei vinteroppleving utanom det vanlege – utan ski. Inne i igloen finst skydd mot kulde og vind. Med stearinlys, mat og varm drikke lovar vi ei lunsjpause du ikkje vil gløyme.

Turskildring
Møt guiden din i resepsjonen på Myrkdalen Hotell. Etter ein rask presentasjon sjekkar guiden at du er godt nok kledd for turen. Om naudsynt kan du låne ekstra varme klede utan ekstra kostnad. Du får utdelt truger, stavar og snøbriller før turen startar. Vi bruker stolheisen opp til vårt startpunkt, midt i herleg fjellterreng. På ein klar dag kan vi nyte den flotte utsikta over nabofjella. Trugeturen til igloen tek om lag 45 minutt, der vi riggar til lunsj.

Inne i igloen byr guiden på varm drikke og eit lett måltid sett saman av ingrediensar frå lokale matprodusentar. Stikkord her er kortreist og tradisjonell. Om vêret tillet, kan vi sette oss på utsida av igloen og nyte utsikta. Undervegs på turen fortel guiden om lokal historie og den rike kulturarven frå desse traktene. Du får og nyttige tips om å vere på tur i vinterfjellet. Etter lunsj leikar vi litt i snøen før vi tek turen tilbake til stolheisen. Returen er ei forfriskande oppleving i seg sjølv!

Sesong
Turar arrangerast dagleg på forespurnad frå 3.januar til 19.april 2020.

Praktiske detaljar
- Guiden møter deg i resepsjonen på Myrkdalen Hotell seinast kl 11.30.
- Du kan bruke eigne vinterklede på denne turen, hvis guiden vurderar dei som gode nok.
- Turen tek 3-4 timar, slik at du er tilbake på hotellet innan kl 15.30.
- Vi tek atterhald om at skiheisane kan stenge i dårleg vêr. Om så skulle skje, legg vi turen til meir skjerma terreng nede i dalen.
- Turane leiast av guidar frå Wild Voss eller Myrkdalen Skiskule.

Krav til deltakarar
Dette er ein teknisk enkel og familievenleg tur som passar for friske folk som vil bruke litt tid ute i snøen. Du treng ikkje vere godt trent eller ha erfaring frå liknande turar. Turen går i fjellterreng, så vi er utsette for vêr og kald vind.

Korleis reise til Myrkdalen utan bil
Kjem du frå Voss, kan du bruke den gratis skibussen som har avgang frå Voss stasjon kl 10.00. Bussen korresponderar med tog frå Bergen, som kjem kl 9.53. Skibussen returnerar frå Myrkdalen kl 15.40.

Kjem du frå Flåm, kan du bruke turistbussen som har avgang kl 8.15 frå Flåm. Bussen er framme i Myrkdalen om lag kl 9.15. Bussen stoppar også i Gudvangen (8.40 a.m). Ein tur-retur billett kostar kr 295,-. Bussen som returnerer frå Myrkdalen har avgang kl 18.00.

Klede og utstyr
- På denne turen treng du varme klede, til dømes:
- Ullundertøy (trøye og bukse)
- Varme ullsokkar
- Vind – og vasstett jakke og bukse.
- Varme og vasstette vinterstøvlar.
- Lue
- Hanskar eller vottar.

Prisar og vilkår
Prisen for vaksne er kr 1890 per person. Pris for born i alderen 8 til 14 år er kr 1290 per person. Nedre aldersgrense er 8 år. Eigne prisar for familiar. Reiser du i ei gruppe med fleir enn 4 personar? Ta kontakt med Wild Vss for rabattert gruppepris.

Gruppestorleik: 1-10 deltakarar. Vi gjennomfører sjølv med små grupper.

Inkludert i prisen:
- Ein røynd og kompetent guide som leiar turen.
- Tilgang til ein velutstyrt og velholdt iglo.
- Eit lett måltid av lokalprodusert mat, inkludert varm drikke – servert i igloen.
-Truger, snøbriller og skistavar.
-Ubegrensa tilgang til ekstra varme klede, til dømes luer, vottar, ullundertøy og sokkar.
-Varme vinterstøvlar.
-Alt naudsynt sikringsutstyr.
-Heisbillett.

Ikkje inkludert i prisen:
- Buss til og frå Flåm.

Ved å booke denne turen, stadfestar du at du har lest og godteke våre kjøps- og avtalevilkår.

Spørsmål om turen?
Ring gjerne til Øystein: +47 93 48 40 41 eller send oss ein epost på [email protected]

Kontaktinformasjon

Anledninger

  • 27 February 11:30
  • 28 February 11:30
  • 29 February 11:30
  • 01 March 11:30
  • 02 March 11:30
  • 03 March 11:30
  • 04 March 11:30
  • 05 March 11:30

Map