Historie

Voss er ei bygd med djupe røter, men som stadig er i utvikling. Her kan du høyra om både skiferindustri, nytenkande kunstnarar på 1800 talar, men også ekstremsport og jazz-musikarar. 

Ta turen opp til Mølstertunet og opplev eit klyngetun slik det såg ut på 1500-talet, eller gå gjennom utstillinga Utsyn mot Voss og få eit innblikk i utviklinga bygda har hatt gjennom 500 år. På eigen hand kan du følgja Bergsliløypa, ei kulturhistorisk vandrerute gjennom sentrum og Prestegardsmoen, eller ta turen langs kulturstien på Hedleberget, der skiferbrotet fortel si eiga historie.

Tradisjon

Midt i det moderne Voss lever gamle bryggetradisjonar vidare, med eld, einerlåg og den heilt unike kveiken som har overlevd gjennom generasjonar (Kveik er ein unik gjær som vert nytta til ølbrygging, særelg på Vestlandet). På Voss kan du reisa på både ølsmaking, og bryggekurs.

Opplev brygging slik det blei gjort før, med open eld, gamle kjelar og varme historier. Lær meir om kveikens rolle i norsk bryggekultur, og korleis denne arva framleis inspirerer både lokale bryggjarar og nye smaksglade gjester.

Attraksjonar

Voss har mykje spennande å by på, frå dramatiske juv forma av istida, til ei toppmoderne gondolbane som tek deg opp til fantastiskt panorama utsikt. Her finn du både naturlege underverk og historiske byggverk som fortel om ei bygda si historie.

Opplev krefta til naturen i Bordalsgjelet, eller ta eit steg tilbake i tid i steinkyrkja frå 1200-talet midt i Voss sentrum. Mellom attraksjonane ligg det små opplevingar som gatekunst, arkitektur med historie og moderne aktivitetar - her er alt innan rekkevidde.

Lokalmat

Matkultur står sterkt i Vossabygda. Det mykje omtala pålegget Vossafår og delikatessa smalahove er berre er to av mange gode matopplevingar. Mange restaurantar og kafear brukar lokale råvarer og kortreist mat og dei serverer heimelaga og tradisjonsrike rettar. 

Stikk innom ein gardsbutikkar med eigne spesialitetar, utforsk lokal matproduksjon hjå Smalahovetunet, eller nyt eit godt måltid på ein restaurant der kortreiste råvarer får spela hovudrolla. Ein smakfull måte å bli kjent med Voss på.

Underhaldning

Voss har eit variert program av konsertar og arrangement i heile året. Du kan dra på mindre intimkonsertar, større show og festivalar som Vossa Jazz. Sjekk ut arrangementskalenderen.

Handverk

Er du nysgjerrig på handverkstradisjonar? Kurs og omvisingar er veldig populære aktivitetar, då fleire og fleire vert interessert i kulturarven vår. På Voss er det fleire som tilbyd kurs i ulike fag, som keramikk, smedarbeid og trearbeid. Dette er fin oppleving der du både vil læra nye ferdigheiter, samtidig som du kan skapa noko unikt med dine eigne hender.

Voss Kunst og Kultur har mange ulike kurs, medan Hedleberget held liv i skiferhistoria gjennom omvisning, arrangement og demonstrasjonar.