Foto:
Sverre F. Hjørnevik
Myrkdalen ungdom
Foto:
Sverre F. Hjørnevik
Myrkdalen anlegg
Foto:
Sverre F. Hjørnevik
Myrkdalen heis

 

Myrkdalen Fjellandsby

Eitt av dei største skisentra på Vestlandet – med familievenlege bakkar, løyper i alle vanskegradar, parkar, skicross-løyper, herleg off-piste terreng og langrennsløyper.

Myrkdalen ligg i Voss Kommune, berre to små timar frå Bergen. I Myrkdalen fell det meir snø enn nesten nokon annan plass i Europa. Det gjer destinasjonen til ein ynda plass for skientusiastar, frå dei aller minste som leikar seg i barneområdet, til dei som likar velpreparerte løyper og urørt pudder.

Myrkdalen er eit familievenleg skisenter med 22 varierte løyper og ni heisar, og har alt frå familievenlege bakkar, løyper i alle vanskegradar, parkar og herleg off-piste terreng. Skisenteret har totalt ni heisar fordelt på to 6-setars ekspressheisar, tre t-krokheisar, tre tallerkentrekk og eit saktegåande rulleband for dei aller minste.

Løypenettverket er samanhengande, med totalt 22 varierte løyper i alle vanskegradar. Til saman byr Myrkdalen på 28,5 km med preparerte løyper. Løypene er breie og oversiktlege – Myrkdalen er difor ein ypperleg plass å læra seg å stå på ski. Treng ein skiundervisning eller å leiga ski har skiskulen og skiutleiga i Myrkdalen eit breitt utval av aktivitetar, kurs og utstyr.

Barneområdet har totalt to tallerkentrekk, eit saktegåande rulleband og fire varierte grøne løyper. Barneområdet ligg i sjølve basen av skisenteret, med enkel tilkomst frå parkering og Myrkdalen Hotel.

Langrenn, fjellski og topptur:
For dei som vil trena langrenn eller ynskjer familievenlege turar ligg Årmotslia rett over vegen for skisenteret. Her er det preparerte løyper og 5 km lysløype - perfekt for dei som vil ta ut den siste energien med ei kveldsøkt. Områda rundt Myrkdalen byr også på eit flott terreng for fjellski og toppturar.

Opningstider 2019/2020 

Kvar dag frå 7.desember - 31.januar: 09.30 - 15.30

Kvar dag frå 1.februar - 3.mai: 09.30 - 16.00

Redusert opningstid:

Julaftan: 09.30 - 14.00

Redusert tall på heisar er opne julaftan og 1.juledag


Kveldskøyring

Fredag og laurdag frå 13.desember - 28.mars: 16.00 - 20.00

Kvar dag i vinterferievekene (10.-29.februar): 16.00 - 20.00
Kveldskøyringa er i Landsbytrekket og Mikkeltrekket.

Myrkdalsstovo Velkomstsenter

I fyrste etasje i Myrkdalsstovo finn du velkomstssenteret vårt. Her kan du kjøpa heiskort og eit lite utval matvarer. Der kan du kjøpa heiskort og eit lite utval matvarer. Det er også kafè med enkle rettar.

Opningstider i vintersesongen 2019/2020

Kvar dag: 08.30-17.00
Open til 20.00 når det er kveldskøyring.

Løypekart: 

Løypekart