Velkomen til Voss - bygd for sterke opplevingar
Er du klar for nye eventyr?
Bygda vår, som ligg i hjartet av Fjord-Noreg, er full av ekstreme kontrastar. Hjå oss finn du mengder av aktivitetar og opplevingar for ein minnerik ferie - enten du er ung eller gamal, reiser åleine eller saman med andre, likar fart og spenning eller ro og avslapping. Uansett om det er natur, kultur eller sport som ligg ditt hjarta nærast, lovar me å få det til å pumpa.
Voss har blitt verdskjend som ekstremsportbygda - og her kan du prøva deg på alt frå fallskjermhopping og paragliding til rafting i trygge omgjevnader. Om vinteren vert Voss forvandla til eit vintereldorado der du kan boltra deg i to ulike skianlegg, kilometervis med langrennsløyper eller i den flotte fjellheimen vår.
Når aktivitetsdagen er over kan du nyta tradisjonsrik matkultur på ein av våre restaurantar, og sova godt i alt frå hengekøyer til hytter og hotell.
Velkomen til aktivitetsbygda Voss!
Foto: Wild Voss
Ikkje gå glipp av dei beste vossatilboda!
Overnatting
Kva skjer?
God mat og drikke
Kven er me?
Voss ligg i hjartet av Fjord-Noreg, med ein arm i Hardangerfjorden og midt mellom Bergen og Sognefjorden. Her er knutepunkt for buss og tog, og E16, Rv13 og Bergensbanen går igjennom kommunesenteret Vossevangen.
Bygda har servert natur- og kulturopplevingar i verdsklasse i fleire hundre år, og brukar lokal kultur, tradisjon og idrett som ein viktig del av tilbodet til alle som kjem hit.
Voss herad har om lag 15.500 innbyggjarar, og reiselivet er den viktigaste næringa. Jordbruk og skogbruk har lange tradisjonar i heile området, og er framleis viktige.
Kultur og idrett har alltid hatt ein stor plass i lokalsamfunnet. Voss er kjend for å ha fostra nokon av landets største idrettsutøvarar, som Kari Traa, Lars Bystøl, Eirik Kvalfoss, Egil Gjelland, Kristen Skjeldal og Sjur Røthe. Med totalt 98 VM- og OL-medlaljar har Voss som bygd ein medaljetetthet som manglar sidestykke i verda!
@visitvoss på Instagram
