Overnatting på Voss
Dei store hotella Scandic Voss og Park Hotel Vossevangen ligg i sentrum med kort avstand frå buss- og togstasjonen. Dei ligg også i gangavstand frå gondolen som tek deg til skianlegget til Voss Resort på berre 9 min! Det er også eit stort hotell og mange hytter i Myrkdalen Fjellandsby, på veg mot Vikafjellet.
Det er også fleire unike overnattingsplassar både i og utanfor sentrum. Store Ringheim er t.d. eit lite boutiquehotell med 15 unike rom. Hjå Voss Resort kan du leige moderne sjølvhushaldhytter eller hengekøye glamping under tak, på gamle Hangurstoppen restaurant. Vil du prioritere opplevingane kan du bu sosialt og komfortabelt hjå Voss Vandrarheim berre 800 m frå sentrum eller hjå Haugo utleige 1,5 km frå Voss sentrum.
Utanfor sentrumskjerna finn du overnattingsstader som Voss Lodge Rongastovo, Eenstunet, Staupstunet, Rongahuset BnB, Lilandtunet Gjestgiveri, Sivle Gard og Fennebu.
Camping; i sentrum ligg Voss Camping, ved golfbanen er det bubilparkering, utanfor sentrum finn du Mestad Camping mot Hardanger ligg Flatandsmo Camping og i Myrkdalen finn du Myrkdalen Camping.
Hotell
Unike overnattingar
Vil du bu heilt for deg sjølv på eit restaurert gardstun, eller kanskje i ei restaurert løe? Du kan også bu utanfor sentrum på ei skikkeleg fjellstue - der turane ventar like utanfor inngangsdøra.
Hytter
Sjølvhushaldhytter, originale fjellstover eller luksus for deg sjølv
Vandrarheim, camping og bnb
Er du meir opptatt av opplevingar enn korleis du bur? Bu rimeleg på vandrarheim, camping eller bnb!