graffiti mur med voss logo

graffiti mur med voss logo

Gatekunst i Vossabygda

Graffiti er ei omdiskutert kunstform. Nokre kallar det gatekunst, andre kallar det hærverk. I storbyane kan ein melde seg på guida turar for å sjå på gatekunst og nokre verk har blitt solgt for ei god årslønn. På Voss har me også mykje gatekunst å vera stolt over. Kunstverka spelar ofte på lokal kultur og identitet. Nokre verk er faktisk bestillingsverk, medan andre dukke stille opp i skumringstimane.
 

Her er ein guide til gatekunst du kan finne rundt om i Vossabygda. Ta beina fatt eller hyv deg på ein av VossaBike sine elbygdesyklar og utforsk bygda. Nokre verk finn ein også høveleg plassert i nærleiken av andre attraksjonar, aktivitetar eller caféar, så kvifor ikkje unne seg eit besøk på ein desse når ein fyrst er ute?

God kulTUR!

 

Sinnataggen, av La Staa

sinnataggen i voss kulturhus
Dette verket finn ein faktisk innandørs, på Voss Kulturhus. Det vart laga i 2015 under kunstfestivalen «Agalaus». Når du kjem inn hovuddøra tar du til høgre mot kinokiosken.

I trappa bortanfor billettluka ser du Sinnataggen. Voss Kulturhus er ope frå 08:00 til 20:00 kva dag, utanom søndag, så du har god tid til å få med deg dette kunstverket. 

Vossa Jazz, av ungdom på Voss

Gatekunst av diverse artistar, på Voss
Dette verket er eit samarbeid mellom Vossa Jazz og ungomdsklubben Vangsgryto. Ungdommane har fått tips og råd av dei proffesjonelle gatekunstnarane Doyenne Art og Papa Paul, frå Bergen. Ordføraren opna verket våren 2021. Du kan sjå gatekunsten i undergangen på Voss Stasjon på veg mot spor 2-3. Ser du nokon kjente fjes på veggen? 

Skisportens vugge, av La Staa

skisportens vugge, på vekselbanken
«OL-bygda Voss» er eit kjent uttrykk. Ski og vintersport er ein stor del av Voss sin kultur og identitet. Ein skulle derfor tru at eit kunstverk som heidra nettopp dette var til stor glede for heile bygda.

Skisportens vugge har derimot vore til politisk handsaming både i det lokale formannsskapet og hjå Fylkesmannen. Verket prydar to etasjar på den austvendt veggen til Voss Veksel- og Landmandsbank og kom også opp i 2015 under «Agalaus» festivalen. 

Delfiner, av Aagotart

delfiner av aagot art
I ei bakgate mellom Vangsgata og Uttrågata finn ein eit anna kunstverk. Fire delfinar stupar mot deg frå veggen bak jernia. Verket har vore der «så lenge ein kan hugse», men blei nok sett oftare då gata var open for gjennomkøyring.

Delfinane blei valgt som motiv då dei minner litt om nisene ein kan sjå i Hardangerfjorden. Det var også malt nokre krypdyr langs bakken på murane i område, men desse er vaska vekk etter mange år med vêr og vind. 

Vossa Jazz og Pride, av ITPD

vossa jazz graffiti - trompetist  

pride, vossa jazz graffiti
Vossa Jazz kunstnaren 2021 er ein «old school kunstnar» som nyttar sjablong og spray. Det er tadisjon for Vossa Jazz å skipa til kunstutstilling og deler av 2021 utstilling vert utandørs på Vangen, slik som desse verka.

Forhåpentligvis vert utstillinga ståande lenge og kanskje kjem det fleire verk i løpet av festivalen? Verket av tromponisten er også bakgrunnen til årets festivalplakat. Verka finn ein ved heisen på nivå 2, inngang via Uttrågata. 

Les også: 8 aktivitetar du må få med deg på Voss

Spurv, Sigurd Jensen

spurv i graffiti
Bak Circkle K og like ved Vossapark finn ein også eit fargerikt bilete. Dette blikkfanget og utrulege håndarbeidet er laga av Sigurd Jensen i 2016. 

Strikkesau, av La Staa

strikkesau av la staa, på voss
La Staa er ein norsk gatekunstnar. Dei fleste verka har ei humoristisk undertone med vekt på stereotypar rundt Norges kulturarv og samtid. La Staa sitt verk «Strikkesau» er derfor perfekt for Voss ettersom sauen har ein sterk profil i bygda.

Vossingane er blant anna kjend for å ete smalahove (sauehode) og har ein eigen festival kalla smalahovesleppet. Du finn sauen like ved undergangen bortanfor Vinmonopolet, der strandavegen kjem ned i sentrum. 

Bob Dyland, av La Staa

bob dyland sitat hos Voss Vind
«The answer, my friend, is blowin’ in the wind» står det på veggen til Norges fyrste vertikale vindtunnell. Verket står godt i stil med den avslappa og tilbakelente stemninga ein møter hjå Voss Vind. Om ein skal tru alle smila ein ser der oppe stemmer også sitatet ganske bra.

Voss Vind er ope frå 11:00 – 19:00 (ons-lør) og 12:00 – 18:00 (søn) så om du har tatt turen hit bør du stikke hove innom å sjå om du får sett ein flygar eller to. 
 

Naturattraksjonar på Voss:
<% totalFilter %> filter applicerade