cbis:2155178
cbis:2155178
cbis:2155178
Voss

Guida topptur for nybyrjarar - Outdoor Norway

Ein guida topptur i vossafjella for deg som har lite eller noko toppturerfaring.

Bli med på ein guida topptur med Outdoor Norway i vinter! Denne turen passar for deg som har lite eller ingen erfaring med topptur. Her får du med deg ein lokalkjend guide, som sørgjer for at turen blir både kjekk og trygg.

For å vera med på denne turen må du vera i normal fysisk form, og ha noko erfaring med skikøyring frå før av. Det er fint om du meistrar å stå ned ei blå løype i eit skianlegg.

Sesong
Turane går kvar fredag, laurdag og sundag i februar, mars og april.

Kvar går turen?
48 timar før avreise bestemmer me kvar me skal gå på topptur ut frå vêrmelding, skredfare, snøforhold og gruppa sine ynskje. Alternativa er:
- Oksen
- Raundalen
- Vikafjellet
- Lønahorgi
- Sognefjorden

Prisar:
For ein eller to personar:
Hvis du vil bestilla ein tur aleine eller saman med ein ven, kan du få plass i lag med ei anna gruppe og betala 1500 kr per person for ein dag på ski.
Obs: Me treng 3 påmeldte på den andre gruppa for å kunne tilby deg ein plass til denne prisen. Om det ikkje er det, får du tilbod om å dela prisen på ein privat guide (4500 kr) med dei andre påmeldte, eller å få refundert beløpet du har betalt.

Privat guide for gruppe:
For grupper på 3 - 6 personar:
- 3 personar: 4500 kr per gruppe for guida topptur
- 4 personar: 5500 kr per gruppe for guida topptur
- 5 personar: 6000 kr per gruppe for guida topptur
- 6 personar: 6500 kr per gruppe for guida topptur

Det er plass til maks 6 personar på ei gruppe.

Inkludert i prisen:
- Guide
- Transport frå Voss
- Skredutstyr (spade, søkestang, sendar/mottakar)

Ikkje inkludert i prisen:
- Lunsj, drikke og snacks
- Skikort (om me skal bruka skiheis på turen)
- Skiutstyr, utleige eller klede

Dette må du ha av utstyr:
- Toppturutstyr (randonne-ski, telemarkski eller splitboard)
- Feller
- Skistavar, toppturstøvlar og hjelm
- Vass- og vindtett skalljakke med hette
- Vass- og vindtett skallbukse
- Dunjakke eller anna varm jakke
- Fleece eller anna varm genser
- Ullundertøy
- Varme hanskar, lue, ullsokkar, solbriller og skibriller
- Ryggsekk

Kontakt Outdoor Norway for utleige av utstyr.

For spørsmål om turen, kontakt Outdoor Norway på [email protected] eller +47 459 71 515.


Kontaktinformasjon

Produktegenskaper

  • Vinter
  • Vår
  • Green travel

Map