Hotel Finse 1222

Hotellet ligg midt mellom Hardangervidda nasjonalpark og Hallingskarvet nasjonalpark – to av Norges mest imponerande naturområde. Hardangervidda er kjent for sitt vide høgfjellsplatå og rike dyreliv, spesielt villrein, medan Hallingskarvet utmerkar seg med sitt dramatiske fjellmassiv og alpine landskap.

Sidan opninga i 1909 har hotellet vore eit møtestad for eventyrarar, fjellfolk og naturnysgjerrige. I dag er det varsamt oppussa i samarbeid med Snøhetta, slik at den historiske sjela er bevart, samtidig som rom og fellesareal har fått moderne komfort og eit lunt preg.

Rom og fasilitetar
Hotellet har 45 rom med totalt 109 sengeplassar. Her finn du alt frå intime enkeltrom til panoramasuiter og større rom som passar godt for familiar eller grupper. Alle rom har eige bad med dusj og toalett. Nokre rom har utsikt mot Hardangerjøkulen, andre vender mot Finsenut. Det finst òg budsjettrom med enklare standard, men alltid med eige bad.

Klikk her for å lesa meir og for å bestilla!

På hotellet finn du restaurant med kortreist mat, bar og lounge, ski- og sykkelutleige, samt døgnopen resepsjon.

Sommar på Finse (midten av juli–september)
Når snøen trekkjer seg tilbake, opnar eit eventyrleg landskap seg for sykling, vandring og breopplevingar. Du kan trilla ut på Rallarvegen med sykkel, utforska Hardangerjøkulen på guida bretur eller gå fotturar i nasjonalparkane som omkransar Finse. Her er både korte turar og lange dagsetappar, alt etter kor mykje tid og krefter du vil bruka.

Vinter på Finse (november–mai)
Vinteren på Finse er lang og snøsikker. Her kan du suse over vidda med skisegl – hotellet si signaturaktivitet – gå på randonee til nærliggjande toppar, utforska terrenget på fjellski eller nyta rolege trugeturar. Nokre helgar er skisenteret ope, og gjennom vinteren vert det arrangert alt frå skiseglkurs til Finsejazz.

Kurs og samlingar
Med ein stor konferansesal og to møterom, ligg alt til rette for møte, kurs eller teambuilding i unike omgjevnader. Kombiner fagleg innhald med frisk fjelluft og felles aktivitetar – her er det lett å få nye idear og styrka fellesskap.

Praktisk informasjon
Tilkomst: Tog frå Voss, Bergen eller Oslo – ingen bilveg til Finse
Sesongar: Vintersesong frå november til slutten av mai. Sommarsesong frå midten av juli til slutten av september. Frå 2026 ope heile året
Kapasitet: 45 rom – 112 sengeplassar om man deler dobbeltsenger og 80 sengeplasser om man ønsker separate senger
Fasilitetar: Restaurant, bar, ski/sykkelutleige, topptur, møterom, bryllup
Miljøsertifisert og berekraftig drift