CBIS 6324301
CBIS 6324302
CBIS 6324305
CBIS 6324306
CBIS 6324307
CBIS 6324308
CBIS 6324310
Vis hele bildet
Vossestrand

Sivle Gard

Overnatting på eit gammalt gardstun frå 1700-talet på Stalheim, midt i den storslagne naturen i UNESCO sitt verdsarv-område.

Mellom høgreiste fjell og djupe dalar på Stalheim, tek vertinna dykk med inn i Per Sivle sitt rike. Dette området som diktaren henta inspirasjon og trødde sin barneår, er i dag ein del av det sermerkte Vestnorsk fjordlandskap, som er på Unesco si verdsarvliste.

På Sivle kan de nyta storslagen natur, krydra med forteljingar, dikt og song. Her kan de få nyta god heimelaga tradisjonsmat, der mykje av råvarene vert produsert på garden. Vertinna på Sivle gjer alt for at gjestene skal få gode og ekta opplevingar.

Overnatting og utleige:
Kårastova på Sivle er nyrestaurert, huset er i frå om lag 1750. Huset var opprinneleg ei tømrastova, som seinare vart påbygd og heva i 2. høgda. Me har fått fram att ein del av dei gamle tømraveggane, slik at me viser det gamle kombinert med dagens standard. Frå langbordet i stova kan du nyta eit fantastisk utsyn, med Stalheimskleiva under og Stalheimsgrenda og Brandsetdalen midt i mot.

I fyrste høgda kjem du inn i ein romsleg gang, med skifer på golvet og med varmekablar. Kjøkkenet har fin innreiing med integrert oppvaskmaskin og kjøleskap, og er godt utrusta med ymse dekketøy og hjelpemidlar. Stova har langbord, vinkelsofa, og det er vedovn til å fyra i. Badet har toalett, dusjkabinett og vaskemaskin, varmekablar i golvet.

I andre høgda er det 3 soverom, det raude rommet har ei 120 seng, det blåe rommet har 1 enkelseng og 1 120 seng, og det grøne rommet har 1 dobbelseng (150). På gangen er det skåp som gjestene kan nytta. Soveromma har tilsaman 7 sengeplassar med gode madrasser. I tillegg kan ein utvida med 2 sengeplassar i stova (vinkelsofa).

Mat:
Gjestene steller seg sjølve, men kan bestilla mat som dei får servert i gamlastovo frå 1500-talet om ynskjeleg. I dag driv me garden økologisk, dyrkar forskjellige grønnsaker, poteter, bringebær, jordbær, rips og solbær. I tillegg til at me haustar av det naturen har å by på, av bær, sopp og grønne vekstar. I tillegg driv me med sau, og har ein fjording som deltek i gardsdrifta, og som me brukar på kløvhestturar. Sivle Gard har store og gode utmarksressursar som er viktig når ein driv med sau. Stølen til Sivle Gard ligg i Berdalen, der sauene går på gode fjellbeiter heile sommaren. Kjøt frå lam og vilt foredlar me, og nyttar i serveringa på Sivle.

Kontakt Sivle Gard på [email protected] eller på +47 95783274 for å bestilla overnatting eller middag!


Bestill her

Kontaktinformasjon

Produktegenskaper

  • Nært naturen
  • Vandrestiar
  • I nærleiken av fjell
  • På landsbygda
  • Naturområde
  • Utandørs parkering (gratis)
  • Fjellområde
  • Landleg område
  • Fjellutsikt

Map