Stalheimskleiva
Stalheimskleiva er namnet på vegen i det bratte fjellpartiet inst i Nærøydalen opp til gardane Brekke og Stalheim. Det er ikkje mogleg å køyre på vegen lengre, men ein kan gå ca 1km nedover, frå toppen. Utsikta er ubeskriveleg vakker!
...attraksjonen mellom fossane!
Stalheimskleiva er ein av dei brattaste vegane i Nord-Europa, bygd i perioden 1842-1846. Den 1,5 km lange vegen slungjer seg i 13 bratte hårnålssvinger mot toppen, der du finn Stalheim Hotel. Her er det ein fantastisk utsikt mot Nærøydalen - eit område på UNESCO si Verdsarvliste. Du får også utsikt mot Stalheimsfossen og Sivlefossen, som ligg på kvar si side av kleiva.