TOPP 3 INNE AKTIVITETAR

Topp tre inneaktivitetar på Voss

Herjar vestlandsvêret som verst, eller treng støle bein ein aldri så liten pause? Her er våre beste tips til dei aller beste inne-aktivitetane på Voss.

 

1. Voss Vind

  
Vil du kjenna på korleis det er å fly? VossVind er Noregs fyrste vertikale, resirkulerande vindtunnel, og her kan du fly i trygge og kontrollerte omgjevnader. Dette er ein spennande og minnerik aktivitet, som passar for alle aldrar. Nedre aldersgrense er 5 år, og den eldste som har flydd i vindtunellen er 100 år!

Med ein grunnpakke på 3 minutt, får du to runder med flyging inne i tunnelen på 1,5 minutt. Du får også instruksjon i førekant, leige av utstyr og ein instruktør som er med deg heile tida inne i tunnelen.

 2. Voss Bowling

Eit slag bowling er perfekt for inne-dagar, og får som regel opp konkurranseinstinktet hjå heile familien! Hjå Voss Bowling finn du mange kjekke aktivitetar. I tillegg til 8 bowlingbanar, har dei også biljardbord, dart og mange brettspel.

For dei yngste er det eit spennande leikeland, på heile 300 kvadratmeter. Her ventar mykje morro - i mange timar!

Voss Bowling har i tillegg kafé og restaurant, med mykje god mat og drikke på menyen.

 

3. Vossabadet

  
Vossabadet har noko for ein kvar smak, med tre ulike basseng, stupetårn, sklie og sauna.

Treningsbassenget er 25 meter langt og held internasjonal konkurransestandar. Med seks symjebaner er det god plass til både mosjonistar og aktive symjarar. Her vert det også lagt ut ei kjekk hinderløype i helger og ferier! Stupebassenget har stupetårn med ein-, tre- og femmeter, og ei sklie frå toppen av femmeteren.

Opplæringsbassenget held 32 grader og er spesielt populært blant barn, familiar og eldre!